今日6 NOV 2018天氣很和暖, 已經黎到法國的第22日, 終於覺得真係好悶所以開返個BLOG記錄下, 老公開始返工的第三日, 我終於嘗試自己落街, 好幸福我家行去超市係十五分鍾內, 所以我都叫做可以出去行下, 成功買左條法包返黎, 沿途冇與到危險的人, 我講呢D係因為我老公成日令我覺得法國周圍都好危險, 所以行每一步都要觀察周圍同好小心, 而家先知道原來法國仲危險過大陸.
今日開始講返在呢半個月入面發生的事的感受, 黎到之後覺得呢到都幾落後而我先前住在香港真係大城市好先進特別係我自己一向慣左做咩都可以網上解決的人, 黎到之後覺得都幾無助. 我唔知係因為呢到真係落後定我老公唔識, 好簡單做任何野都會WALK IN, 以我的作風做咩都會上網或電話預約先, 但呢到就要等我老公揸車同我去, 所以都幾煩.
來到呢到最大可換到的係空間同寧靜, 而家每一日自己一個在家係寧靜到可以聽到自己的抖氣聲. 每一日都好似懶洋洋, 唔知係因為天氣舒服定真係呢到係特別輕鬆呢?
沒有留言:
發佈留言